काठमाडौं । स्थानीय तहको निर्वाचनका विषयमा छलफल गर्न नेपाली कांग्रेस केन्द्रीय कार्यसम्पादन समितिको बैठक बस्दै छ ।
आज दिउसो २ बजे कांग्रेस केन्द्रीय कार्यालय, सानेपामा कार्यसम्पादन समितिको बैठक बस्ने मुख्य सचिव कृष्णप्रसदा पौडेलले बताए । आजको बैठकमा कार्यसम्पादन समितिका पदाधिकारी र सदस्यलाई अनिवार्य उपस्थितिका लागि अनुरोध गरिएको पौडेलले बताए ।
स्थानीय चुनावमा महानगर र उपमहानगरपालिकाको मेयर र उपमेयरका उम्मेदवारको टुंगो केन्द्रबाट लगाइनेछ । आजको बैठकको अजेन्डामा महानगर र उपमहानगरको मेयर र उपमेयरको उम्मेदवार छनोटको विषय पनि रहेको उनले बताए ।
वैशाख ३० गते स्थानीय तहको निर्वाचन हुँदै छ । त्यसका लागि निर्वाचन आयोगले तयारी तीव्र पारेको छ ।
आयोगले वैशाख ११ र १२ गते उम्मेदवारी दर्ताको समय दिएको छ । त्यसअघि नै राजनीतिक दलहरुले उम्मेदवार छनोट गरिसक्नुपर्छ ।
प्रतिक्रिया