पाल्पाको लघुवामा बस दुर्घटनामा मृत्यु हुनेको संख्या ६ पुग्यो, १६ जना घाईते

बुटवल । पाल्पाको रिब्दिकोट गाँउपालिका लघुवामा यात्रुबाहक बस दुर्घटना हुँदा मृत्यु हुनेको संख्या ६ पुगेको छ । गुल्मीको मजुवाबाट पाल्पाको तानेसन तर्फ आईरहेको लु १ ख ५९५२ नम्बारको यात्रुबाहक बस सडकबाट ८० मिटर तल खसेको प्रदेश ट्राफिक प्रहरी कार्यालय बुटवलले जनाएको छ ।

दुर्घटनामा परि ६ जनाको घटना स्थलमै मृत्यु भएको रिब्दीकोट गाउँ पालिका वडा न २ का वडा अध्यक्ष ओम प्रसाद पोख्रेलले जानकारी दिए ।

२२ जना यात्रु सहित आईरहेको बसबाट १६ जनाको उद्दार गरि उपचारका लागि तानेसन पठाईएकोमा यस अघि २ जनाको मृत्यु भएको प्रहरीले पुष्टी गरेको थियो । वडा अध्यक्ष पोख्रेलले थप ४ जनाको शव निकालिएको बताएका छन् । मृतकको यो समाचार तैयार पार्दा सम्म सनाखत भएको छैन ।