बिहीबार थप ७६० जनामा कोरोना संक्रमण, एक जनाको मृत्यु

काठमाडौं । बिहीबार नेपालमा ७६० जना कोरोना संक्रमित थपिएका छन् । पछिल्लो २४ घण्टाको बीचमा थप १ जनाको मृत्‍यु भएको छ ।

५ हजार ९२६ जनाको परीक्षणमा ७६० जनामा संक्रमण पुष्टि भएकोस्वास्थ्य तथा जनसंख्या मन्त्रालयले जनाएको छ । २ हजार ५८९ जनाको पीसीआर परीक्षण गर्दा ४९४ जनामा संक्रमण पुष्टि भएको र ३ हजार ३३७ जनाको एन्टिजेन परीक्षण गर्दा २६६ जनामा संक्रमण देखिएको छ ।

सक्रिय संक्रमितको संख्या बढेर आजसम्म ५ हजार ६०२ पुगेको छ । पछिल्लो २४ घण्टामा ३२४ जना संक्रमणमुक्त भएका े मन्त्रालयले जनाएको छ।

मन्त्रालयका अनुसार ५ हजार ४४० जना होम आइसोलेसनमा रहेका छन् भने १६२ जना संस्थागत आइसोलेसन र ४४ जना आईसीयूमा छन् ।