३ मंसिर २०८३, बिहिबार | November 19, 2026

एकीकृत समाजवादीलाई रुपन्देहीमा ठूलो झड्का, समाजवादीका केन्द्रीय सदस्य डा. चापागाई नै एमालेमा प्रवेश



बुटवल । प्रतिनिधिसभा र प्रदेशसभा निर्वाचनमा टिकट नपाउने निश्चित जस्तै बनेपछि नेकपा एकीकृत समाजवादीका केन्द्रीय सदस्य डा. बालकृष्ण चापागाईले नेकपा एमाले प्रवेश गरेका छन् ।

निर्वाचन नजिकिँदै गएका बेला एकीकृत समाजवादीको रुपन्देही जिल्ला ईन्चार्जबाट हटाउनुका साथै टिकट पनि नपाउने निश्चित भएपछि चापागाई एमालेमा फर्केका हुन् । उनलाई एमाले फर्काउन एमाले उपाध्यक्ष बिष्णु पौडेलले शनिबार सँगै काठमाडों लिएर गएका थिए । पौडेलले अध्यक्ष केपी ओलीको हातबाट खादा र टिका लगाउन लगाएर चापागाईलाई पार्टी प्रवेश गराएका हुन् ।

शुरुमा लुम्बिनी प्रादेशिक अस्पताल बिकास समितिको अध्यक्षको आश्वासन दिईएको तथा निर्वाचनमा टिकट दिने भनिएपनि अस्पतालको अध्यक्ष र टिकट दुबै नपाएपछि चापागाईले एमाले रोजेको एकीकृत समाजवादी स्रोतले दाबी गरेको छ । पत्रकार महासंघको सदस्यता कायम राखेर सक्रिय राजनीतिमा क्रियाशिल चापागाईले एकैदिनमा पत्रकार र राजनीतिकर्मी दुबैरुपमा प्रस्तुत हुँदै आएका थिए ।

एकीकृत समाजवादीले केही समयअघि चापागाईलाई हटाएर राजु गुरुङलाई पार्टीले रुपन्देही इन्चार्ज बनाएको थियो । आगामी मंसिर ४ गते हुने प्रदेश तथा प्रतिनिधिसभा निर्वाचनमा दलबदल हुने क्रमले तिब्रता पाएको छ ।

 

प्रकाशित मिति : २६ भदौ २०७९, आइतबार  ११ : २१ बजे

Your email address will not be published.

राप्तीसोनारीका दश परिवारलाई जग्गाधनी प्रमाणपुर्जा वितरण

बाँके ३। बाँकेको राप्तीसोनारी गाउँपालिकाका भूमिहीन दलित तथा भूमिहीन सुकुम्वासीलाई

म्याग्दी प्रहरीको ‘ब्राबोसेरा’ अभियान

म्याग्दी । वन्यजन्तुको अवैध चोरीसिकार तथा आपराधिक गतिविधि नियन्त्रण गर्ने

चितुवा र दुम्सीको आतङ्कले किसान हैरान

बागलुङ । पछिल्लो नौ महिनामा बागलुङको जैमिनी नगरपालिका-२ दमेकका किसान

भरतपुर अस्पतालमा बिरामीको चाप बढ्यो

नारायणगढ । दसैँ-तिहार तथा छठ पर्वको लामो बिदापछि भरतपुर अस्पतालमा

पश्चिमी वायु र ‘अक्वान’ चक्रवातको आंशिक प्रभाव, तराईमा हुस्सु र कुहिरोको सम्भावना

काठमाडौं । देशभर हाल पश्चिमी वायुका साथै ‘अक्वान’ चक्रवातको आंशिक