काठमाडौं । अछाममा भीम रावललाई टिकट नदिएपछि एमाले अछाममा विवाद उत्पन्न भएको छ ।
रावललाई टिकट नदिएपछि नैतिकताको आधारमा एमालेको क्षेत्रीय समन्वय कमिटी संयोजक प्रकाश शाहले राजीनामा दिएका छन् । यस्तै रावल निकट जिल्ला कमिटीका नेताहरुले समेत सामुहिक राजिनामा दिने भन्दै आजै भेला बोलाएका छन् ।
क्षेत्रीय कमिटी संयोजक शाहले पार्टी अध्यक्ष केपी शर्मा ओलीलाई पत्र लेख्दै राजीनामा दिएको जानकारी गराएका छन् । शाहले नैतिकताको आधारमा राजीनामा दिएका हुन् । उनले
भीम रावललाई अछाम जिल्ला कमिटीले क्षेत्र नं. १ मा एकमतले एकल उम्मेदवार चयन गरेको थियो । तर, अध्यक्ष ओलीले आफ्नो विरोधमा रहने नेता रावललाई टिकट नदिएर माओवादीबाट एमाले बनेका झपट बोहोरालाई टिकट दिएका थिए । उम्मेदवार चयन गर्दा बसेको बैठकमा अछाम जिल्ला इन्चार्ज बाहोरा नै प्रमुख अतिथि रहेका थिए ।
माधवकुमार नेपाललाई छोडेर ओलीसँग १० बुँदे सहमति गर्दै सम्झौता गरेका रावललाई ओलीले दण्डित गर्दै टिकट नदिएको विश्लेषण गरिएको छ । १०औं महाधिवेशनमा सर्वसम्मत अध्यक्ष बन्न चाहेका ओली विरुद्ध रावलले उम्मेदवारी दिएपछि ओली झन बढी चिढिएका थिए ।
प्रतिक्रिया