काठमाडौं । बाँकेकी निर्मला कुर्मी र नन्कुनी धोबीका लागि न्यायको माग गर्दै विगत २६ दिन देखि धर्ना सहित आन्दोलनरत अधिकारकर्मी रूबी खानसहितका अधिकारकर्मीलाई प्रहरीले पक्राउ गरेको छ।
सोमबार माइतीघरबाट र्यालीसहित अगाडि बढिरहेको बेला खानसहितका अभियन्ताहरूलाई प्रहरीले पक्राउ गरेको हो।
अधिकारकर्मीको टोली बबरमहलस्थित जिल्ला अदालतको अगाडिको बाटो हुँदै सिंहदरबारतर्फ अघि बढेका बेला प्रहरीले पक्राउ गरेको हो । आजको धर्ना र ¥यालीलाई वृहत नागरिक आन्दोलनले पनि साथ रहेको थियो ।
माइतीघर मण्डलामा विगत २६ दिनदेखि जारी धर्नामा वृहत नागरिक आन्दोलनका अभियन्ताहरू पनि आज सहभागी भएका थिए ।
निर्मला कुर्मी हत्या तथा नन्कुनी धोबीको अत्महत्या प्रकरणको छानबिनका लागि न्यायिक आयोग गठनको माग गर्दै २६ दिनदेखि चलिरहेको धर्नालाई शसक्त बनाउन माइतीघरमा भेला भएको बेला प्रहरीले धरपकड गरेको अभियन्ताहरूले बताएका छन्।
आजको धर्नामा महिला अधिकारको पक्षमा सिल्पी थिएटरका युवाहरूले सडक नाटक देखाएका थिए।
प्रतिक्रिया