बुटवल । सर्वोच्च अदालतका कायम मुकाम प्रधानन्यायाधीश हरिकृष्ण कार्कीले पाल्पा स्थित सिद्धबाबाको मन्दिर दर्शन गरेका छन् ।
सिद्धपुरुष भर्तृहरिले यही क्षेत्रमा तपस्या गरी सिद्धि प्राप्त गरेको पश्चिम नेपालकै पशुपतिका रुपमा परिचित सिद्धबाबा मन्दिर धार्मिक एवम पर्यटकिय गन्तव्य हो ।
मन्दिर विकास समितीको निमन्त्रणमा कार्कीले मन्दिरमा पुगेर दर्शन गरेका छन् । दर्शनका लागि पुगेका कार्कीलाई मन्दिर व्यवस्थापन समितिका अध्यक्ष सन्तोष कुमार शेरचन, मुल पुरोहित नारायण प्रसाद घिमिरे, तिनाउ गाउंपालिकाका अध्यक्ष प्रेम श्रेष्ठ, उपाध्यक्ष लाल ब थापा र समितिका अन्य पधादिकारिले स्वागत गरेका थिए ।
सो अवसरमा कार्कीलाई मायाको चिनो प्रदान गरिएको थियो भने मन्दिरका मुल पुरोहितसहितको सातजनाले स्वस्ती बाचन र पुजा गराएको समितीका सदस्य तोया लम्सालले जानकारी दिए । यस अघि यो मन्दिरमा राट्रपति विद्यादेवि भण्डारीले समेत दर्शन गरेकी थिइन ।
प्रतिक्रिया