नेपालगन्ज । एमालेनिकट राष्ट्रिय युवा संघको नवौं महाधिवेशनलाई एक दिन लम्ब्याएर एमाले अध्यक्ष केपी ओली पक्षधर क्षितिज थेबेलाई सर्वसम्मत अध्यक्ष चयन गरिएको छ । २९ गते सम्पन्न गर्ने गरि २७ गतेबाट सुरु भएको महाधिवेशननमा अध्यक्ष ओलीको निर्देशन विपरित अध्यक्षमा सन्तोष रावलबाट उम्मेदवारी परेपछि महाधिवेशनको अवधि लम्ब्याएर भएपनि रावललाई पाखा लगाई थेवेलाई अध्यक्षमा चयन गरिएको हो ।
अध्यक्ष मण्डलबाट निर्वाचन कार्यक्रम प्रकाशित गरि उम्मेदवारी दर्ता भएपछि पनि महाधिवेशनको रातभरीलाई थप गर्दै थेवेलाई अध्यक्ष बनाइएको महाधिवेशनका एक प्रतिनिधिले बताए । थेवेको विपक्षमा उम्मेदवारी नै दर्ता नगराउने प्रयास थियो, तर उम्मेदवारी परेपछि लगातार दवाव दिएर सर्वसम्मत गराइयो । उनले भने ।
महाधिवेशनबाट सात उपाध्यक्षमा अमित लामा, पुष्प श्रेष्ठ, कृष्णहरी केसी, महाराज गुरुङ, सीता सुवेदी, रमेश तिवारी र प्रकाश गौतम चयन भएका छन् ।
महासचिवमा सुमन पुरीलाई चयन गरेको महाधिवेशनले उप महासचिवमा महेन्द्र गुरुङ र राजन थापालाई चयन गरेको हो । यसैगरी, सचिवमा विनय शाह, मोबिन आलम, जय गुरुङ, खेम शर्मा, अनिता कन्दङ्वा, बिष्णा चन्द, कुबेर अधिकारी, देवानन्द मेहता र पर्वत भण्डारी चयन भएका छन् ।
कोषाध्यक्षमा राकेश राई, लेखा आयोग प्रमुखमा सन्तोष चौलागाई र उपप्रमुखमा नानीराम तिवारी चयन भएका छन् । अनुशासन आयोगको प्रमुखमा राकेश लामा, उपप्रमुखमा दिपेश खड्का र सचिवमा राजन नेपाली चयन हुँदा महाधिवेशनले निर्वाचन आयोग प्रमुखमा बलराम बेलबासे, उपप्रमुखमा बाबु छतकुली र सचिवमा गोकर्ण नेपालीलाई चयन गरेको छ ।
यद्देपी थेवे विरुद्ध उम्मेदवारी दिउका रावल यस अघि युवासंघका ओली निकटकै युवा नेताकारुपमा चिनिँदै आएका थिए । सर्वसम्मतका सम्बन्धमा प्रतिक्रिया लिन सम्पर्क गर्ने खबरकुराको प्रयास सफल हुन सकेन ।
प्रतिक्रिया