नक्कली भुटानी शरणार्थी प्रकरणमा ३० जना विरुद्ध मुद्दा दायर

काठमाडौं । जिल्ला सरकारी वकिलको कार्यालयले नक्कली नक्कली भुटानी शरणार्थी प्रकरणमा ३० जना विरुद्ध मुद्दा दायर गरेकोछ ।

नक्कली भुटानी शरणार्थी बनाएर अमेरिका पठाइदिने भनी विभिन्न व्यक्तिलाई ठगी गरेको अभियोगमा पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाण, पूर्वगृहसचिव टेकनारायण पाण्डे, भुटानी शरणार्थीका नेता टेकनाथ रिजालसहित ३० जना विरुद्ध मुद्दा दायर भएको हो ।

उनीहरुलाई राज्यविरुद्धको अपराध, ठगी, संगठित अपराध र किर्तेको मुद्दा लगाउने निर्णय गरेको हो। उनीहरुबाट २८ करोड बराबरको विगो माग गरिएको छ ।

यसअघि प्रहरीले झण्डै दुई महिना लगाएर उनीहरु विरुद्ध अनुसन्धान गरेको थियो । ३० जना मध्ये १४ जना फरार रहेका छन् ।