बुटवल । सिटिजन्स बैंकको बुटवल क्षेत्रमा कार्यरत ६ जना कर्मचारीलाई प्रहरीले पक्राउ गरेको छ । नक्कली शैक्षिक प्रमाणपत्रको छानबिनका लागि उनीहरूलाई सोमबार प्रहरीले पक्राउ गरेको हो ।
बैंकको केन्द्रीय मुद्दा शाखामा कार्यरत एक जना सहित रुपन्देहीमा कार्यरत ६ जना कर्मचारीलाई नेपाल प्रहरीको काठमाडौं प्रहरी परिसरले पक्राउ गरेको हो । प्रहरीको काठमाडौं परिसरका प्रवक्ता एसपी कुमोद ढुंगेलले बैंकका विभिन्न शाखामा कार्यरत ६ जनालाई पक्राउ गरिएको पुष्टी गरे ।
प्रहरीका अनुसार पक्राउ पर्नेमा बुटवल शाखाका मनिषा मास्के र खिमानन्द गौतम, मनिग्राम शाखाकी गोमा ज्ञवाली, कालिकानगर शाखाबाट कल्पना खत्री र प्रतिक्षा रेग्मी, तथा मुद्दा शाखामा कार्यरत दिपक विष्ट रहेका छन् ।
पक्राउ सम्बन्धमा सिटिजन्स बैंकका लुम्बिनी प्रदेश प्रमुख प्रदिप कुमार श्रेष्ठले अनविज्ञता प्रकट गरे । उनले यो सम्बन्धमा आफुलाई केही थाहा नभएको बताउँदै केन्द्रबाट नै सबै कुरा थाहा हुने बताए ।
नक्कली शैक्षिक प्रमाणपत्रको मुद्दामा नेपाल प्रहरीले लगातार अप्रेशन चलाइरहेको छ ।
प्रतिक्रिया