बुटवल। बुटवल जेसीजले आफ्नो स्वर्णजयन्तीका अवसरमा नेपाल जेसीजको ५० औँ राष्ट्रिय महाधिवेशन बुटवलमा आयोजना गर्ने भएको छ । देशभरबाट करिब २ हजार ५०० प्रतिनिधि रहने महाधिवेशन यही मंसिर २८ गतेदेखि पौष २ गतेसम्म संचालन हुने बुटवल जेसीजले सोमबार पत्रकार सम्मेलनको आयोजना गरी जानकारी गराएको हो ।
नेपाल जेसीजका पूर्व अध्यक्ष तथा महाधिवेशन निर्देशक जगतबहादुर पोखरेलले बुटवल जेसीजको ५० औँ वर्षको अवसरमा राष्ट्रिय जेसिजको महाधिवेशन गर्न पाउनु बुटवलका लागि धेरै नै गर्वको कुरा भएको बताए । बुटवल जेसीजले यस भन्दा पहिला दुई वटा राष्ट्रिय महाधिवेशन सफलतापूर्वक सम्पन्न गरिसकेको र यस पटकको महाधिवेशन पनि भव्यताका रुपमा नै सम्पन्न हुने महाधिवेशन निर्देशक पोखरेलले बताए ।
यस्तै नेपाल जेसिजका पूर्व अध्यक्ष अनुपमान शैजुले यस महाधिवेशनले बुटवलको आर्थिक गतिविधिलाई चलायमान गराउनका लागि धेरै टेवा पुराउने बताए । बुटवल जेसीजका अध्यक्ष हरि विक्रम कुँवरले पनि बुटवल जेसिजको स्वर्णजयन्तीको अवसरमा ५० औँ राष्ट्रिय महाधिवेशन गर्न पाउनु ठूलो अवसर भएको बताउँदै यसले बुटवलको पर्यटन प्रर्वद्धनमा पनि सहयोग पुराउने बताए ।
महाधिवेशनले वर्ष भरिका गतिविधिहरुको रिपोर्टिङ तथा कार्ययोजना निर्माणसँगै नयाँ नेतृत्व चयन गर्ने महाधिवेशन सचिव सिनेटर मनोज भट्टराईले बताए । साथै महाधिवेशनको अवरसमा बुटवलको मुख्य भाग परिसरमा शान्ति पदयात्रा प्रभातफेरि गरिने महासचिव भट्टराईले बताए ।
महाधिवेशनलाई भव्य, प्रभावकारी र ऐतिहासिक रुपमाा आयोजना गर्न वर्ष २००७ पछिका १५ जना पूर्व अध्यक्षहरु ग्ठित समितिको संयोजकm १२ जना पदाधिकारी सहसंयोजक सहित र ८० जना सदस्यहरु विभिन्न उपसमितिमा, वर्ष २००७ भन्दा अघिका १२ जना पूर्व अध्यक्षहरुको सल्लाहकार समिति र ३ सदस्यीय विशेष प्रमुख सल्लाहकार गठन गरिएको महाधिवेशन सचिव सिनेटर भट्टराईले जानकारी गराए ।
साथै महाधिवेशन सम्पन्न गर्नका लागि करिब २ करोड ६५ लाख ५० हजार खर्च लाग्ने उनले बताए ।
प्रतिक्रिया