काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्डले एमाले-कांग्रेस गठबन्धन अब नचल्ने दाबी गरेका छन् ।
सिंहदरबारमा शुक्रबार एकीकृत समाजवादीका अध्यक्ष माधवकुमार नेपाल र राप्रपा अध्यक्ष राजेन्द्र लिङ्देनसँगको छलफलपछि संचारकर्मीको प्रश्नको जवाफमा प्रचण्डले वर्तमान गठबन्धन अप्राकृतिक भएको दाबी गर्दै अब नचल्ने बताएका हुन् ।
प्रमुख प्रतिपक्षी दलका नेतासमेत रहेका प्रचण्डले भने, ‘यो गठबन्धन अप्राकृतिक, अलोकतान्त्रिक र अपारदर्शी छ भन्ने कुरा मैले गम्भीर रूपले संसदमै र बाहिर पनि भनेको तपाईंहरूले सुन्नुभएकै छ। अप्राकृतिक ढंगले अब यो चल्दैन।’
प्रचण्डले समाजवादी मोर्चालाई सक्रिय बनाउनेबारे छलफल भैरहेको बताए । प्रचण्ड र नेपालबीचको भेटमा लिङ्देनअघि जनता समाजवादी पार्टी जसपाका नेता राजेन्द्र श्रेष्ठ पनि सहभागी भएका थिए ।
प्रतिक्रिया