काठमाडौं । संघीय संसदमा रहेका प्रतिपक्षी दलहरूले संसद अधिवेशन बोलाउन सरकारलाई दबाब दिने निर्णय गरेका छन् ।
नेकपा माओवादी केन्द्रको संसदीय दलको कार्यालय सिंहदरबारमा बसेको दलहरूको बैठकले सरकारले नियमित अधिवेशन नबोलाए विशेष अधिवेशन बोलाउन दबाब दिने निर्णय गरेको हो । उनीहरुले संयुक्त वक्तव्य निकालेर सरकारलाई दबाब दिने भएका छन् ।
बैठकपछि सञ्चारकर्मीसँग कुरा गर्दै माओवादी केन्द्रका उपमहासचिव वषमान पुनले सरकार संसद् छलेर अलोकतान्त्रिक तरिकाले अध्यादेशबाट शासन गर्न लागेको आरोप लगाए । उनले भने, ‘संसद्को नियमित अधिवेशन बोलाउन सरकारलाई दबाब दिने नबोलाए विशेष अधिवेशन बोलाउन पहल गर्ने निर्णय भएको छ।’ बैठकले संसद छलेर अध्यादेश ल्याउनु गलत भएको निस्कर्ष समेत निकालेको छ ।
बैठकमा एकीकृत समाजवादी, रास्वपा, राप्रपा, आजपा, नेसपाका शीर्ष नेताहरु सहभागी भएका थिए ।
प्रतिक्रिया