काठमाडौं । प्रमुख प्रतिपक्षी दलका नेता पुष्पकमल दाहाल प्रचण्डले संसदमा प्रधानमन्त्री अनुपस्थित भएको प्रति असन्तुष्टि जनाएका छन् ।
प्रतिनिधिसभाको बैठकमा विशेष सम्बोधन गर्ने क्रममा सुरुमै प्रचण्डले प्रमुख प्रतिपक्षी दलका नेताले बोल्ने क्रममा प्रधानमन्त्री नभएको भन्दै असन्तुष्टि जनाएका हुन् ।
उनले सत्तापक्षका सबैभन्दा ठूला दलका नेता पनि अनुपस्थित भएको भन्दै आउने विश्वास व्यक्त गरे । लगत्तै कांग्रेस सभापति शेरबहादुर देउवा सदनमा प्रवेश गरेका थिए ।
प्रचण्डले संसद अधिवेशन ढिलो बोलाएको भन्दै सरकारको आलोचना गरे । उनले सरकारले सदन छलेर अध्यादेश ल्याएको भन्दै आपत्ति जनाए । संसदमा विचाराधीन विधेयक फिर्ता नलिइन अध्यादेश किन ल्याएको भन्दै प्रश्न गरे ।
उनले स्वार्थ समुहलाई पोस्नकै लागि अध्यादेश ल्याएको आरोप लगाए ।
प्रतिक्रिया