काठमाडौं । भारतका विदेशसचिव विक्रम मिश्री भोलि आइतबार दुईदिने नेपाल भ्रमणका लागि काठमाडौं आउँदैछन्।
परराष्ट्र मन्त्रालयले विज्ञप्ति जारी गर्दै उनको नेपाल आगमनबारे जानकारी दिएको हो।
भ्रमणको क्रममा मिश्रीले प्रधानमन्त्री केपी शर्मा ओली, परराष्ट्र मन्त्री आरजु राणा देउवा लगायत उच्च पदस्थ व्यक्तिहरूसँग भेटवार्ता गर्ने कार्यक्रम तय भएको छ।
प्रधानमन्त्री ओलीको आसन्न भारत भ्रमण तयारीसँगै उनको भेटघाट महत्वपूर्ण मानिएको छ। प्रधानमन्त्री ओली भदौ अन्तिम सातातिर भारत जाने तयारीमा छन्।
मिश्री परराष्ट्र सचिव अमृतबहादुर राईको निमन्त्रणामा नेपाल आउन लागेका हुन्। भ्रमणका क्रममा नेपाल–भारत साझेदारीका विभिन्न पक्षबारे दुवै देशका परराष्ट्र सचिवबीच विस्तृत छलफल हुने परराष्ट्र मन्त्रालयले जनाएको छ।
दुईदिने नेपाल बसाइ पूरा गरी मिश्री भदौ २ गते स्वदेश फर्कने कार्यक्रम रहेको छ।
प्रतिक्रिया