काठमाडौँ । पार्टी अध्यक्ष तथा पूर्वप्रधानमन्त्री केपी शर्मा ओली पक्राउको विरोधमा नेकपा एमालेले काठमाडौँ जिल्ला प्रशासन कार्यालयमा विरोधपत्र बुझाएको छ।
देशभरका जिल्ला प्रशासन कार्यालयमा एकैपटक ज्ञापनपत्र बुझाउने पार्टी केन्द्रीय सचिवालयको निर्णयअनुसार एमालेले काठमाडौंका प्रमुख जिल्ला अधिकारी ईश्वरराज पौडेललाई ज्ञापनपत्र बुझाएको हो ।
आइतबार दिउँसो माइतीघर मण्डलामा भेला भएर बबरमहलसम्म विरोध प्रदर्शन गरेपछि एमालेका नेताकार्यकर्ताले जिल्ला प्रशासन कार्यालय पुगेर ज्ञापनपत्र बुझाएका हुन्।
जेन–जी घटनासम्बन्धी जाँचबुझ आयोगको सिफारिसका आधारमा प्रहरीले ओलीलाई पक्राउ गरेपछि एमालेले हिजो पनि सबै जिल्लाका सदरमुकाममा विरोधप्रदर्शन गरेको थियो ।
प्रतिक्रिया