अध्यागमनको सर्भर डाउन हुँदा त्रिभुवन विमानस्थलका उडानहरु ठप्प

काठमाडौं । त्रिभुवन अन्तर्राष्ट्रिय विमानस्थलको अध्यागनमको सर्भर डाउन भएको छ । अध्यागमनको सर्भर डाउन हुँदा अन्तर्राष्ट्रिय तर्फको उडान प्रभावित भएको छ । उडान प्रभावित भएका कारण सयौं यात्रु समस्यामा परेका छन् ।

अध्यागमनको सर्भर डाउन भएपछि प्रवेशाज्ञा र प्रस्थान अनुमति दिने कार्य पनि प्रभावित भएको छ । सर्भर नचलेका कारण विमानहरु समयमै उड्न पाएका छैनन् भने विमानस्थल आइपुगेका यात्रु र विमानहरु समस्यामा परेका छन् ।

विमानस्थलका प्रवक्ता टेकनाथ सिटौलाले धेरै बेर समस्या आए पार्किङ समेत समस्या हुन सक्ने भएकाले अवतरणमा समेत समस्या हुने बताए ।

अध्यागमन विभागका महानिर्देश ऋषिराम तिवारीले भने सर्भरमा नभएर विमानस्थलभरि इन्टरनेट सेवामा समस्या आएको दाबी गरे ।

त्रिभुवन विमानस्थलमा यस अघि पनि सर्भरमा समस्या आएर उडानहरु प्रभावित बनेका थिए ।