माधव नेपालले गरे सरकार ढलाउने संकेत

काठमाडौँ । सत्ता गठबन्धनमा प्रमुख मध्यको दल नेकपा एकीकृत समाजवादीका अध्यक्ष माधवकुमार नेपालले बजेट नसच्याए वर्तमान सत्ता गठबन्धनको सरकार ढल्ने संकेत गरेका छन् ।

आइतबार प्रतिनिधिसभाको बैठकमा कडाढंगले प्रस्तुत भएका अध्यक्ष नेपालले संसद बाहिरसञ्चारकर्मीहरुसँग कुरा गर्दै यथास्थितिमा पास भए सरकार ढल्ने संकेत गरेका हुन् ।

उनले सत्ता गठबन्धन ५ वर्षै चलाउनुपर्ने र त्यसका लागि प्रयास गर्ने भएपनि बजेट नसच्याइए सरकार दुर्घटनामा पर्न सक्ने बताए । अध्यक्ष नेपालले बजेटमा सबैजना असन्तुष्ट रहेको दाबी गर्दै प्रधानमन्त्री र अर्थमन्त्रीको लचकता नदेखाए सरकार दुर्घटनामा जाने चेतावनी दिए । संसदमा सांसदहरुले लगाउको आरोपलाई दोहोर्याउँदै उनले बजेट तीन जिल्ला (गोरखा, डडेलधुरा र नुवाकोट) केन्द्रित भएको बताए । पार्टीले पनि बजेट यथास्थितिमा पास गर्न नदिने अडान लिइरहेको उनले जानकारी दिए ।

बर्तमान सरकारमा नेकपा एकीकृत समाजवादी दुई मन्त्रालयसहित सहभागी रहेको छ । नेपालले जस्तै संसदमा सत्तापक्षकै सांसदहरुले बजेट आवश्यकताअनुसारको नभएको टिप्पणी गर्दै आइरहेका छन् ।

अध्यक्ष नेपालले भारतीय नयाँ संसद् भवनमा अखण्ड भारतको नक्सा राख्नेकुरालाई भारतले नेपाली मनोभावना बुझ्न जरुरी रहेको पनि बताए ।