कांग्रेसको ठहर : भिजिट भिसा प्रकरणमा गृहमन्त्री लेखक निर्दोष

काठमाडौं । नेपाली कांग्रेसले भिजिट भिसा प्रकरणमा गृहमन्त्री रमेश लेखक निर्दोष रहेको बताएको छ ।

सभापति देउवा निवास बुढानिलकण्ठमा आज बसेको पदाधिकारी बैठले भिजिट भिसा प्रकरणमा गृहमन्त्रीको संलग्नता नरहेको निस्कर्ष निकालेको हो । बैठकले यो प्रकरणमा गृहमन्त्री लेखकको संलग्नता कतैबाट पुष्टि नहुने भन्दै सामाजिक सञ्जालमा अफवाह फैलाइएका भरमा आरोप लगाइएको भन्दै निन्दा पनि गरेको छ ।

बैठकपछि कांग्रेस प्रवक्ता डा. प्रकाशशरण महतले भने, ‘भिटिज भिसा प्रकरणमा गृहमन्त्रीजी संलग्न हुनुहुन्न भन्ने कुरामा हामी विश्वस्त छौं । जो संलग्न छन् तिनलाई कारबाही हुनुपर्छ ।’

बैठकमा नेता शेखर कोइरालाले गृहमन्त्रीले राजीनामा दिनुपर्ने भनेर दिएको अभिव्यक्तिलाई अस्वीकार गरेको छ । कोइरालालगायतका केही नेताले कुरै नबुझी गृहमन्त्रीको राजीनामा माग गरेको भन्दै उनीहरुको आलोचना भएको थियो ।