निषेधाज्ञा खुकुलोसँगै उपत्यकामा बढ्यो चहलपहल (फोटो फिचर)

काठमाडौं । काठमाडौं उपत्यकामा निषेधाज्ञालाई खकुलो बनाएसँगै आजबाट जनजीवन केही सहज देखिएको छ । उपत्यकामा चहलपहल पनि बढ्न थालेको छ ।

सडकमा सार्वजनिक निजी सवारी साधनहरु जोरविजोर प्रणाली अनुसार चल्न सुरु गरेका छन् । विभिन्न कार्यालयहरुहरु पनि खुला भएका छन् । १६ सिट भन्दा बढी भएका सार्वजनिक बसहरु र ट्याक्सी संचालन भएका छन् । लामो समय बन्द रहेका पसलहरु पनि खुल्न थालेका छन् ।

उपत्यकामा कोरोना भाइरसको संक्रमण अत्याधिक बढ्दै गएपछि गत भदौ ३ गतेबाट काठमाडौं, ललितपुर भक्तपुर जिल्ला प्रशासनले निषेधाज्ञा लगाउँदै आएका थिए ।

तर, संक्रमण दर भने २१ दिनको बीचमा घट्नुको साटो झन बढेको छ । यद्यपी, निरन्तरको निषेधाज्ञाले आमा मानिसको जनजीवन र अर्थतन्त्र चौपट हुन थालेपछि निषेधाज्ञामा केही खुला गरिएको हो ।

तस्विर : रासस