बाँकेमा ४३ संक्रमित थपिँदा ४१ जना संक्रमण मुक्त

नेपालगन्ज । शनिबार बाँकेमा ४३ जनाले नयाँ उपस्थिती जनाएका कोरोना संक्रमितहरुको बदलामा आईतबार बाँकेबाट ४१ जना कोरोना मुक्त भएर घर फर्कने भएका छन् ।

स्वास्थ्य कार्यालय बाँकेले दिएको जानकारी अनुसार बाँकेबाट आईतबार ११ जना प्रहरी सहित ४१ जना डिस्चार्ज हुँदै छन् ।

उनीहरु लगातार १४ दिन आइसोलेसनमा रहँदा कोरोनाको लक्षण नदेखिएपछि डिस्चार्ज हुन लागेको स्वास्थ्य कार्यालय बाँकेका अधिकृत एवं कोरोना फोकलपर्शन नरेश श्रेष्ठले बताए ।

बाँकेमा आज सम्ममा १ हजार २४४ जना डिस्चार्ज भईसकेका छन् । ३३६ जनाले बिभिन्न आइसोलेसनमा बसेर आइसोलेसन अवधि पुरा हुने अवधि कुरिरहेका छन् ।