काठमाडौं । मेडिकल व्यवसायी दुर्गा प्रसाईं पुनः पक्राउ परेका छन् । निर्वाचन बिथोल्ने अभिव्यक्ति दिएको आरोपमा प्रसाईँलाई प्रहरीले भक्तपुरबाट पक्राउ गरेको हो ।
राष्ट्र, राष्ट्रियता, धर्म, संस्कृति र नागरिक बचाउ महाअभियानका संयोजक दुर्गा प्रसाईंलाई सोमबार साँझ भक्तपुरस्थित निवासबाटै पक्राउ गरिएको जिल्ला प्रहरी परिसर, काठमाडौंका एसपी पवन भट्टराईले जानकारी दिए ।
प्रसाईंलाई अहिले भद्रकाली स्थित जिल्ला प्रहरी परिसरमा ल्याइएको छ । यसअघि माघ २३ मा पक्राउ परेका प्रसाईंलाई हाजिर जमानीमा छोडिएको थियो ।
प्रसाईंले फागुन २१ मा हुन लागेको निर्वाचन विथोल्ने अभियान सुरु गर्न लागेको सम्बन्धमा अनुसन्धान गर्न प्रहरीले उनलाई पक्राउ गरेको बताइएको छ ।
माघ ५ मा पनि पोखराबाट पक्राउ परेका प्रसाईंसँग प्रहरीले बयान मात्र लिएर छाडेको थियो ।
प्रतिक्रिया