काठमाडौं । प्रचण्ड नेपाल नेतृत्वको नेपाल कम्युनिष्ट पार्टी नेकपाका प्रवक्ता नारायणकाजी श्रेष्ठले प्रधानमन्त्री केपी शर्मा ओलीलाई फासिस्ट भएको आरोप लगाएका छन् ।
काठमाडौंमा बुधबार आयोजित बृहत विरोधसभालाई सम्बोधन गर्दै प्रवक्ता श्रेष्ठले संविधानको धारा र अक्षरमा कालो मसी पोतेर ओलीले फासिवादको अभ्यास गरेको आरोप लगाए ।
केन्द्रीय संघर्ष समितिका संयोजक समेत रहेका श्रेष्ठले ओलीको फासिवादलाई सफल हुन नदिने प्रतिवद्धता जनाए । श्रेष्ठले भने, ‘यसका निम्ति हामी संघर्ष अघि बढाइहेका छौं । हामी संयुक्त संघर्ष अघि बढाउन चाहन्छौं । काँग्रेस र जसपासँग मिलेर अघि बढ्न छलफल गरिरहेकाछौं । सरकारको सानो गुटबाहेक सिंगो देश आन्दोलनमय छ ।’
श्रेष्ठले आफुहरुको संघर्ष सफलतातर्फ अघि बढेको पनि दाबी गरेका छन् । सभामा उपस्थित जनमासले आफुहरुको संघर्ष पुरा हुने क्रममा रहेको उनले दाबी गरेका हुन् ।
नेकपा प्रवक्ता श्रेष्ठले आफुहरु चुनावको पक्षमा रहेको बताउँदै संविधानलाई घात गर्ने चुनावलाई भने अस्वीकार गर्ने प्रष्ट पारे । उनले भने, ओलीले चुनाव गर्न चुनावको नाटक गरेका हैनन् । लोकतन्त्रलाई ध्वंस गर्ने चुनाव हामीलाई अस्वीकार्य छ । त्यस्तो चुनाव हामी खारेज गर्न सक्षम छौं ।
प्रतिक्रिया