काठमाडौं । नेकपा माओवादी केन्द्रका नेता नारायणकाजी श्रेष्ठले प्रधानमन्त्री केपी शर्मा ओलीबाट राष्ट्रिय स्वाधीनतामा गम्भीर घात भएको आरोप लगाएका छन् ।
सोमबार राष्ट्रियसभाको बैठकलाई सम्बोधन गर्दै नेता श्रेष्ठले विदेशी हस्तक्षेपलाई आमन्त्रण गरेर प्रधानमन्त्रीले राष्ट्रिय स्वाधीनतामा घात गरेको आरोप लगाएका हुन् ।
श्रेष्ठले भने, ‘…विदेशी हस्ताक्षेप स्वीकार गर्ने मात्र होइन, आमन्त्रण गरेर राष्ट्रिय स्वाधीनतालाई गम्भीर संकटमा पुर्याउनु भएको छ । यो क्षम्य छैन ।’ एकपछि अर्को गरेर आन्तरिक मामिलामा हस्तक्षेप हुँदा प्रधानमन्त्रीले प्रतिवाद नगरेको श्रेष्ठको भनाइ छ ।
श्रेष्ठले विदेशीको योजना र मिलिभगतमा प्रधानमन्त्री ले संविधान र लोकतन्त्रमाथि आक्रमण गरिरहेको बताए । राष्ट्रियताका विषयमा ओलीको चर्चा धोका मात्र भएको उनले जिकिर गरे । उनले थपे, ‘अहिले उहाँ आत्मसमर्पणवाद र लम्पसारवादमा पुगिसक्नु भएको छ भन्ने प्रष्ट भयो ।’
प्रतिक्रिया