नेपालगन्ज । १२७ जना कोरोना संक्रमित थपिएको केहि घण्टा नबित्दै बाँकेमा थप ७२ जना संक्रमित थपिएका छन् ।
भेरी अस्पतालको पीसीआर ल्यावमा आज मध्यान्हमा १२७ जना कोरोना संक्रमित थपिएकोमा साँझ नेपालगन्ज मेडिकल कलेजको पीसीआर ल्याव र बागेश्वरी ल्यावमा समेत गरि ७२ नयाँ संक्रमित थपिएका हुन् ।
संक्रमितको चाप दिनदिनै बढेपनि कोरोना उपचारका लागि ब्यवस्थापन गर्ने सम्बन्धमा भने स्थानीय तह र स्थानीय प्रशासनले तदारुकता देखाउन सकेको छैन । जिल्ला बिपद ब्यवस्थापन समितिले बैठक बसेर स्थानीय तहलाई आइसोलेसन संचालन गर्न र मेडिकल कलेजलाई कोरोनाको उपचार सुरु गर्न अनुरोध गर्ने बाहेक ठोस निर्णय गर्न सकेको छैन ।
लक्षण सहितको र गम्भिर संक्रमित उपचारका लागि आउंदा भेरी अस्पतालका सबै बेड भरिएको र भेन्टिलेटर समेत प्याक भएका कारण उपचार नपाउने अवस्था देखिएको छ ।
प्रतिक्रिया