नेपालगन्ज । कुनैबेला कुल नमुनामा ८५ प्रतिशत सम्म कोरोना संक्रमण पुष्टि हुने गरेको बाँकेमा अहिले संक्रमणको अनुपात घटेर ३३ प्रतिशतमा सिमित भएको छ । आज बाँकेमा ३ वटा प्रयोगशालामा भएको नमुनामा ३३ दशमलव ८२ प्रतिशतमा मात्र संक्रमण पुष्टि भएको हो । बाँकेका ३ वटा ल्यावमा ६२१ नमुना परीक्षण गरिएकोमा २१० जनामा मात्र कोरोना संक्रमण पुष्टि भएको छ ।
डीसीएमसी बाँकेका अनुसार भेरी अस्पताल पीसीआर ल्यावमा ४०४ नमुना परीक्षण भएकोमा १४७ जनामा, नेपालगन्ज मेडिकल कलेज ल्यावमा १३८ नमुना परीक्षण गरिएको ३५ जना र बागेश्वरी पीसीआर ल्यावमा ७९ नमुना परीक्षण गरिएकोमा २८ जनामा मात्र संक्रमण पुष्टि भएको छ । कुल २१० संक्रमित मध्य बाँके जिल्लाका ५९ जनामा संक्रमिण देखिएको बाँकेका कोरोना फोकलपर्शन तेज ओलीले बताए ।
पछिल्लो २४ घण्टामा बाँकेमा बाहिरी जिल्लाबाट उपचार गराउन आएका ५ जनाको मृत्यु भएको छ भने जिल्ला भित्रका १०४ जना कोरोना मुक्त भएर डिस्चार्ज भएका छन् । बाँकेमा आज सम्म १०८२ जना सक्रिय संक्रमित रहेका छन् । संक्रमित थपिने क्रम घटेसँगै अस्पताल आउने संक्रमितको संख्या पनि घटेको छ । दोस्रो कोरोना कहर सुरु भएदेखि पहिलो पटक भेरी अस्पतालको इमर्जेन्सी विधाग आज केहिबेर रित्तो भएको थियो ।
प्रतिक्रिया