बाँकेमा आज मृत्युको संख्या शुन्यमा झ-यो, कुल नमुना परीक्षणको १५ प्रतिशतमा मात्र कोरोना संक्रमण

नेपालगन्ज । बाँकेमा संक्रमतिको संख्या घट्ने क्रमले निरन्तरता पाईराखेको छ । आज पनि बाँकेमा अनुपातको हिसावले संक्रमित थपिने क्रम घटेको छ । ३ वटा प्रयोगशालाहरुमा ४३२ नमुना परीक्षण गर्दा १५४ जनामा संक्रमण पुष्टि भएको छ । यो संख्या अनुपातको हिसावले ३५ दशमलव ६४ प्रतिशत हो । कुल नमुना परीक्षणको अनुपातमा बाँकेमा १५ दशमलव ७५ प्रतिशतमा मात्र संक्रमण पुष्टि भएको छ । कुल नमुना अंकमा बाँकेमा ६८ जनामामात्र संक्रमण पुष्टि भएको हो ।

बाँकेमा पछिल्लो २४ घण्टामा जिल्ला भित्रका मृत्यु हुनेको संख्या शुन्य छ भने जिल्ला बाहिरका ७ जना कोरोना संक्रमतिको उपचारका क्रममा मृत्यु भएको छ । सोही अवधीमा बाँकेमा ४० जना डिस्चार्ज भएका छन् । बाँकेमा अहिसम्ममा जिल्ला भित्रका २९६ जना र जिल्ला बाहिरका ३०२ जनाको उपचारका क्रममा मृत्यु भएको छ ।