धनुषा । धनुषामाआज बिहानै सरकारी सवारी साधन (स्कोर्पियो) दुर्घटना हुँदा एक जनाको मृत्यु भएको छ । दुर्घटनामा परी अन्य पाँच जना घाइते भएको प्रहरीले जनाएको छ ।
बिहान ५ बजेतिर ढल्केबर-जनकपुर राजमार्गको लक्ष्मीनियाँ गाउँपालिकास्थित सपही सडकखण्डमा सरकारी नम्बर प्लेट ज २००२०००१ ख ००३५ नम्बरको स्कोर्पिओ पिकअप अनियन्त्रित भएर पुल निर्माणका लागि खनिएको खाल्डोमा खसेर दुर्घटना भएको प्रहरीले जनाएको छ ।
ढल्केवर-जनकपुर राजमार्गको सपही सडकखण्डमा भएको सवारी दुर्घटनामा परी सवारी चालक महोत्तरीको भंगहा नगरपालिका-९ बस्ने दीपक यादवको मृत्यु भएको प्रहरीले जनाएको छ ।
दुर्घटनामा परी घाइते यादवकोे उपचारका क्रममा प्रादेशिक अस्पताल जनकपुरमा मृत्यु भएको हो । घाइतेहरुको प्रादेशिक अस्पतालमा नै उपचार भइरहेको छ ।
प्रतिक्रिया