बुटवल । रुपन्देहीमा आज पनि पुरानो रेकर्डलाई पछि पार्दै साउन महिना लागेयताको सबै भन्दा बढी कोरोना संक्रमित थपिएका छन् । पछिल्लो २४ घण्टामा रुपन्देहीमा ६१ जना नयाँ संक्रमित थपिएका छन्। २२५ जनाको नमुना परीक्षण गरिएकोमा ६१ जनामा कोरोना संक्रमण पुष्टि भएको हो । सोही अवधिमा जिल्लामा ९५ जना संक्रमणमुक्त भएका छन् ।
स्वास्थ्य कार्यालय रुपन्देहीका अनुसार पछिल्लो २४ घण्टामा बुटवल उपमहानगरपालिकाका २७, तिलोत्तमा नगरपालिकामा १४ जना, सिद्धार्थनगर नगरपालिकामा १० जना, सैनामैना नगरपालिकामा ४ जना, देवदह नगरपालिकामा ३ जना र सियारी गाउँपालिकामा १ जना नयाँ संक्रमित थपिएका छन् ।
२०० को हाराहारीमा झरेको सक्रिय संक्रमितको संख्या पढेर हाल ४८२ पुगेको छ ।
प्रतिक्रिया