काठमाडौं । नेपालमा पछिल्लो २४ घण्टामा १ हजार ७५६ जनामा कोरोनाभाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार १४ हजार ३३४ जनामा गरिएको परीक्षणमा १ हजार ७५६ जनामा संक्रमण पुष्टि भएको हो । सोही अवधिमा २२७४ जना संक्रमणमुक्त भएका छन् ।
पछिल्लो २४ घण्टामा २३ जनाको मृत्यु भएको छ । यससँगै देशभर हालसम्म कोरोनाबाट मृत्यु हुनेको कुल संख्या १० हजार ८०९ पुगेको छ ।
आज सक्रिय संक्रमितको संख्या ३३ हजार ६ रहेको छ । कोरोना संक्रमणबाट निको हुने दर ९४ दशमलव ३ प्रतिशत रहेको छ ।
पीसीआर विधिबाट गरिएको परीक्षण अनुसार हालसम्म कोरोना संक्रमितको कुल संख्या ७ लाख ६७ हजार २७१ पुगेको छ । यस्तै एन्टिजेन विधिबाट ८४ हजार ६९३ जनामा संक्रमण पुष्टि भएको मन्त्रालयले जनाएको छ । यी मध्ये ७ लाख २३ हजार ४५६ जना कोरोना संक्रमित निको भैसकेका छन् ।
प्रतिक्रिया