नेपालगन्ज । एमालेबाट माधव नेपाल लगायतका नेताहरुको बहिर्गमन पछि देश दौडाहा निस्केका नेकपा एमालेका अध्यक्ष केपी ओली आज नेपालगन्ज आउँदै छन् । बाँके जिल्लाका अगुवा कार्यकर्ता भेलालाई सम्बोधन गर्न अध्यक्ष ओली नेपालगन्ज आउन लागेका हुन् ।
नेपालगन्जको तारे होटल सिद्धार्थ भ्युमा राखिएको अगुवा कार्यकर्ता भेलाको सम्पूर्ण तयारी पुरा भएको एमाले बाँके जिल्ला कमिटीका उपाध्यक्ष किस्मत कुमार कक्षपतिले जानकारी दिए । भेलालाई अध्यक्ष ओली सहित लुमिबनी प्रदेशका पूर्व मुख्यमन्त्री एवँ एमाले स्थायी कमिटी सदस्य शंकर पोखरेल, लुम्बिनी प्रदेश कमिटीका अध्यक्ष लिला गिरी लगायतले सम्बोधन गर्ने कार्यक्रम तय भएको उपाध्यक्ष कक्षपतीले बताए ।
प्रदेशको अस्थायी राजधानी बुटवलमा खुल्ला चौरमा अगुवा कार्यकर्ता भेला राखिएपनि बाँकेमा भने तारे होटलमा कार्यक्रम राखिएको छ ।
प्रतिक्रिया