बुटवल । रुपन्देहीको तिलोत्तमा नगरपालिकामा निरन्तर अगाडी रहेका गठबन्धनको तर्फबाट उम्मेदवार बनेका नेपाली कांग्रेसका रामकृष्ण खाँणले पछिल्लो पटक सार्वजनिक भएको मतपरिणाममा आफ्नो अग्रता कायमै राखेका छन् ।
अहिले बिहान ९:४५ बजे सम्म गणना भएको ५२ हजार १ सय ८९ मतको परिणाम सार्वजनिक गर्दा खाँण ९ सय ६३ मतान्तरले अगाडि छन् । तिलोत्तमामा ६४ हजार ७ सय २ मत खसेको थियो । अब १२ हजार ५ सय १३ मत गन्न बाँकी छ ।
२२ हजार मत गणना सम्पन्न भएदेखि निरन्तर अगाडि रहेका खाँणले पछिल्लो पटक सार्वजनिक भएको नतिजामा १९ हजार ८ सय ३१ मत पाएका छन् । उनलाई नेकपा एमालेका उम्मेदवार मोहन चापागाईंले १८ हजार ८ सय ६८ मतका साथ पछ्याई रहेका छन् ।
तर उपप्रमुख पदमा भने एमालेको तर्फबाट उम्मेदवार बनेकी जगेश्वरी दोब्बर मतले अगाडि छिन् । कांग्रेस र माओवादी केन्द्रकाबीच गठबन्धन भएपनि गठबन्धनबाट उठेका माओवादी केन्द्रका उम्मेदवार हेमराज शर्माले चुनावी तालमेल अनुसार मत नपाएको परिणामले देखाएको छ । चौधरीको १८ हजार ५ सय ४७ मत आउँदा शर्माको ९ हजार १ सय ९६ मत मात्र आएको छ ।
प्रतिक्रिया