काठमाडौं । प्रमुख प्रतिपक्षी दल नेपाली कांग्रेसका सभापति शेरबहादुर देउवाले नयाँ नक्साका विषयमा सबै पार्टीको समर्थन देखिनु नेपालीको राष्ट्रिय एकता, राष्ट्रिय हितको पक्षमा देखिएको बताएका छन् ।
काँग्रेस संसदीय दलका नेता समेत रहेका सभापति देउवाले नेपाली भूमि फिर्ता ल्याउने विषयमा कसैको विरोध हुन नसक्ने जिकिर गरे ।
शनिबार प्रतिनिधिसभामा नेपालको संविधान (दोस्रो संशोधन) विधेयक २०७७’ माथि प्रतिनिधिसभामा दफाबार छलफलमा कंग्रेस सभापतिसमेत रहेका देउवाले सबै ठाउँका नेपाली राष्ट्रिय हित र स्वाधीनताका लागि एक छन् भन्ने पुष्टि भएको बताए ।
देउवाले भने, ‘सुगौली सन्धि १८१६ अनुसार कालीनदी पूर्वको भूभाग नेपालको भनेको प्रस्ट छ, ब्रिटिसले छापेको नक्सामा पनि यो प्रस्ट छ।’
प्रतिक्रिया