बुटवल । बुधबार रुपन्देहीमा कोरोना भाइरस कोभिड-१९ का ४२ जना नयाँ संक्रमित थपिएका छन् ।
कोभिड-१९ बाट आज रुपन्देहीमा २४ जना पुरुष र १८ जना महिला थपिएको स्वास्थ्य कार्यालय रुपन्देहीले जानकारी दिएको छ ।
यो सँगै रुपन्देहीमा जम्मा संक्रमितको संख्या १३९० पुगेको छ भने सक्रिय संक्रमितको संख्या ७१८ पुगेको छ ।
स्वास्थ्य कार्यालयका अनुसार बुटवल उपमहानगरपालिकामा ७ जना, सिद्धार्थ नगरपालिकामा भैरहवामा २४ जना, कोटहीमाइमा ५ जना, देवदहमा २ जना, लुम्बिनी सांस्कृतिक नगरपालिकामा २ जना, शुद्धोधन र मायादेवी गाउँपालिकामा १–१ जना संक्रमित थपिएका छन् ।
रुपन्देहीमा बुधबारसम्म १४ जनाको मृत्यु भएको स्वास्थ्य कार्यालयका भेक्टर कन्ट्रोल निरीक्षक केदार शाहले जानकारी दिए । उनका अनुसार ६५८ जना संक्रमणमुक्त भएका छन् ।
प्रतिक्रिया