नेपालगन्ज । बाँकेमा कोरोना संक्रमित थपिने क्रमसँगै डिस्चार्ज हुने क्रम पनि जारी रहेको छ । बाँकेमा १६७४ जनामा कोरोना संक्रमण पुष्टि हुँदा १३३७ जना कोरोना मुक्त भएर घर फर्केका छन् । स्वास्थ्य कार्यालय बाँकेका अनुसार बाँकेमा डिस्चार्ज हुनेको अनुपात ७९ दशमलव ८७ प्रतिशत रहेको छ ।
बुधबार पनि बाँकेमा ठूलो संख्यामा संक्रमितहरु डिस्चार्ज हुँदैछन् । कोरोना संक्रमित भएर जिल्लाका विभिन्न आइसोलेसन सेन्टरमा बस्दै आएका ७३ जना निको भएर डिस्चार्ज भएको स्वास्थ्य कार्यालय बाँकेले जनाएको छ ।
जिल्लाका विभिन्न आइसोलेसन तथा होमआइसोलेसनमा अझैं ३ सय २६ जना संक्रमितको उपचार भईरहेको छ । जिल्लामा संक्रमितको संख्या १ हजार ६ सय ७४ पुग्दा ११ जना कोरोना संक्रमितको ज्यान गएको छ ।
प्रतिक्रिया