बाँकेमा ३२ जना कोरोना संक्रमित थपिए

नेपालगञ्ज । बाँकेस्थित तीनवटा प्रयोगशालामा गरिएको पिसिआर परीक्षणमा बिहीबारर ३२ जनामा कोरोना पुष्टि भएको छ ।

भेरी अस्पतालको परीक्षणमा १२, मेडिकल कलेज कोहलपुरको परीक्षणमा १८ र बागेश्वरी ल्याबको परीक्षणमा २ जनामा कोरोना पुष्टि भएको हो ।
भेरी अस्पतालले १ सय ३१ जनाको परीक्षण गर्दा १२ जनाको रिपोर्ट पोजिटिभ आएको हो । सबै संक्रमित बाँकेकै रहेको स्वास्थ्य कार्यालय बाँकेका कोरोना फोकल पर्सन नरेश श्रेष्ठले जानकारी दिए ।

योसंगै बाँकेमा कोरोना संक्रमितको संख्या १७३४ पुगेको छ । आज बाँकेमा १९ जना संक्रमित निको भएर घर फर्किएका छन । ११ जना बाँकेका र ५ जना अन्य जिल्लाका गरी हालसम्म १६ जनाको मृत्यु भएको छ ।

हालसम्म जिल्लामा ३६७ जना संक्रमित निको भएर घर फर्किएका छन ।