२४ घण्टामा कोरोना भाइरसका ८१६७ नयाँ संक्रमित थपिए, १८७ जनाको मृत्यु

काठमाडौं । कोरोना भाइरसको संक्रमण दर केही घटेको देखिएको छ ।

पछिल्लो २४ घण्टामा ८ हजार १६७ जना नयाँ संक्रमित थपिएका छन् । १८ हजार ५४८ जनामा परीक्षण गर्दा ८ हजार १६७ जनामा संक्रमण देखिएको स्वास्थ्य मन्त्रालयले सार्वजनिक गरेको तथ्यांकमा उल्लेख गरिएको छ ।

मन्त्रालयका अनुसार २४ घण्टाको अवधीमा ५ हजार ४५५ जना संक्रमित निको भएका छन् ।

यस्तै २४ घण्टाकै बीचमा १८७ जनाको मृत्यु भएको छ ।