नेपालगन्ज । बाँकेमा पछिल्लो २४ घण्टामा १७ जना कोरोना संक्रमितको मृत्यु भएको छ । बाँकेमा संख्यात्मक हिसावले संक्रमितको संख्या केही घटेको देखिएपनि अनुपातको हिसावले र मृत्युदरका हिसावले कोरोना माहामारीको क्रम घट्न नसकेको तथ्यांकले देखाएको छ । आज पनि बाँकेका ३ वटा प्रयोगशालामा कुल नमुना परीक्षणको ५८ प्रतिशतमा संक्रमण पुष्टि भएको छ । ती ल्यावहरुमा ५८७ नमुना परीक्षण गर्दा ३४२ जनामा संक्रमिण पुष्टि भएको छ ।
डीसीसीएमसी बाँकेका अनुसार भेरी अस्पताल ल्यावमा ३०४ नमुना परीक्षण गर्दा २०८ जनामा, नेपालगन्ज मेडिकल कलेज ल्यावमा ९७ नमुना परीक्षण गर्दा ३८ जनामा र बागेश्वरी पीसीआर ल्यावमा १८६ नमुना परीक्षण गर्दा ९६ जनामा कोरोना संक्रमण पुष्टि भएको छ । आज पुष्टि भएको ३४२ संक्रमित मध्य २०६ जना बाँकेका हुन् । अन्य जिल्लाको तुलनामा बाँकेको संक्रमणको दर अझै उच्च देखिएको छ । बाँकेमा कुल नमुना परीक्षणको संख्यामा ६० प्रतिशतमा संक्रमण पुष्टि भएको छ । बाँकेमा आज २०६ जना नयाँ संक्रमित थपिएका छन् ।
२४ घण्टाकै अवधीमा बाँकेमा ३३८ जना कोरोना मुक्त भएका छन् । आज मृत्यु भएसँगै जिल्लामा मृतकको संख्या २६९ जना र जिल्ला बाहिरका मृतकको संख्या २२२ जना पुगेको छ ।
प्रतिक्रिया