कोरोना अपडेट : ४४८७ जनामा संक्रमण, ६०८० संक्रमणमुक्त, ११६ जनाको मृत्यु

काठमाडौं । कोरोना परीक्षण घट्दा संक्रमितको संख्या पनि ह्वात्तै घटेको देखिएको छ ।

पछिल्लो २४ घण्टामा १४ हजार ७५२ नमुना परीक्षण गर्दा ४ हजार ४८७ जनामा संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार यस अवधीमा ६ हजार ८० जना निको भएका छन् ।

हालसम्म देशभर कुल संक्रमितको संख्या ५ लाख ५३ हजार ४२२ पुगेको छ । जसमध्ये ७ हजार १६३ जनाको मृत्यु भएको छ भने निको हुनेको संख्या ४ लाख ३४ हजार ७५० पुगेको छ ।

आजसम्म देशभर सक्रिय संक्रमितको संख्या १ लाख १५ हजार ५०९ रहेको मन्त्रालयले जनाएको छ ।