बुटवल । रुपन्देहीमा कोरोना संक्रमणको ग्राफ घट्ने क्रमले आज पनि निरन्तरता पाएको छ । पछिल्लो २४ घण्टामा रुपन्देहीमा २७५ नमुना परीक्षण गर्दा १०३ जनामा मात्र कोरोना संक्रमण पुष्टि भएको छ । सोही अवधीमा रुपन्देहीमा १ जनाको मृत्यु भएको छ भने ३७० जना कोरोना मुक्त भएर डिस्चार्ज भएका छन् ।
स्वास्थ्य कार्यालय रुपन्देहीका अनुसार आज बुटवल उपमहानगरमा ३५ जना कोरोना संक्रमित थपिएका छन् भने तिलोत्तमा र देवदहमा १५।१५ जना, सैनामैनामा १३ जना र सिद्धार्थनगरमा ९ जनामा कोरोना संक्रमण पुष्टि भएको छ ।
रुपन्देहीमा आज सम्ममा ४१६ जनाको कोरोना संक्रमणबाट मृत्यु भएको छ भने जिल्लामा अहिले पनि ३०९० जना सक्रिय संक्रमित रहेका छन् ।
प्रतिक्रिया