बुटवल । बाँके र रुपन्देहीमा आज पनि कोरोना संक्रमणको दर घटेको छ । बाँकेमा पहिलो पटक कोरोनाको दोस्रो लहर सुरु भएपछिको सबैभन्दा कम संक्रमित भेटिएका छन् भने रुपन्देहीमा पनि अहिले सम्मकै कम संख्यामा संक्रमण पुष्टि भएको छ ।
बाँकेका २ वटा प्रयोगशालामा भएको १४७ नमुना परीक्षण गर्दा बाँकेका १२ जना र अन्य जिल्लाका ३७ जनामा संक्रमण पुष्टि भएको छ । बाँकेमा २४ घण्टाको अवधीमा जिल्ला भित्रका १ जना र जिल्ला बाहिरका ७ जनाको मृत्यु भएको छ भने २४० जना कोरोना मुक्त भएर डिस्चार्ज भएका छन् । डीसीएमसी बाँकेका अनुसार नेपालगन्ज मेडिकल कलेजमा ७० नमुना परीक्षण गर्दा १५ जनामा संक्रमण पुष्टि भएको छ भने बागेश्वरी पीसीआर ल्यावमा ७७ नमुना परीक्षण गर्दा ३४ जनामा संक्रमण पुष्टि भएको छ ।
बाँकेमा जिल्ला भित्रका मृत्यु हुनेको संख्या २८९ पुगेको छ भने जिल्ला बाहिरका मृत्यु हुनेको संख्या २८२ पुगेको छ । जिल्लामा ८५५ जना सक्रिय संक्रमित छन् ।
यता रुपन्देहीको ४ वटा प्रयोगशालामा भएको ३१३ नमुना परीक्षण गर्दा ५१ जनामा संक्रमण पुष्टि भएको छ । रुपन्देहीमा पछिल्लो २४ घण्टामा ५ जना संक्रमतिको मृत्यु भएको छ भने ३०३ जना कोरोना मुक्त भएर डिस्चार्ज भएका छन् । रुपन्देहीमा अहिले सम्ममा कोरोना संक्रमणबाट मृत्यु हुनेको संख्या ४२१ पुगेको छ । जिल्लामा अहिले पनि २८३३ सक्रिय संक्रमित रहेका छन् ।
प्रतिक्रिया