काठमाडौं उपत्यकाको निषेधाज्ञा खुकुलो बनाईंदै, खाद्य पसल खुलाउने तयारी

खबर कुरा
१८ जेष्ठ २०७८, मंगलवार

काठमाडौं । काठमाडौं उपत्यकामा लगाईंदै आएको निषेधाज्ञा केही खुकुलो बनाइन लागेको छ ।

कोरोना भाइरसको संक्रमण भयावह भएको भन्दै यही जेठ १४ गतेदेखि २० गतेसम्मका लागि कडा बनाइएको निषेधाज्ञालाई फेरि खुकुलो बनाउन लागिएको हो । तर निषेधाज्ञा भने थप एकसाता थपिनेछ ।

पछिल्लो केहीदिन यता उपत्यकामा संक्रमितको संख्या घटेका कारण निषेधाज्ञालाई खुकुलो बनाउने विषयमा उपत्यकाका प्रमुख जिल्ला अधिकारीहरुले छलफल गर्न लागेका हुन् । अब, फेरि बिहानमा खाद्य किराना पसलहरु र डिपार्टमेन्टल स्टोरको ग्रोसरी मात्र खोल्न दिने तयारी गरिएको छ । यस्ता पसलहरु बिहानको एक समय खुल्नका लागि छुट दिइने भएको छ ।

यस्तै निर्माण सामाग्री ढुवानी गर्ने सवारी साधानहरुलाई रातिदेखि बिहान ५ बजेसम्म र भन्सार विन्दुबाट छुटेका सवारी साधानलाई निश्चित गन्तव्यमा पुग्न दिने तयारी गरिएको छ ।

यसबारे निर्णय गर्न उपत्यकाका तीनै जिल्लाका सीडीओहरुको आजै मंगलबार छलफल हुँदैछ । काठमाडौं उपत्यकामा कोरोना महामारीको दोस्रो लहर तीब्र बनेपछि गत वैशाख १६ गते बिहानदेखि लगातार निषेधाज्ञा लाग्दै आएको छ ।

 

यसमा तपाइको मत

Your email address will not be published. Required fields are marked *


*