काठमाडौं उपत्यकामा जेठ मसान्तसम्म निषेधाज्ञा थप्ने तयारी, प्रजिअहरुको बैठक बस्दै

खबर कुरा
१९ जेष्ठ २०७८, बुधबार

काठमाडौं । काठमाडौं उपत्यकामा जारी निषेधाज्ञा जेठ महिनाभर लम्बिने भएको छ । किराना तथा खाद्य पसलसहित डिपार्टमेन्टल स्टोर सञ्चालनमा गत साता लगाइएको रोक खुला गर्दै निषेधाज्ञा जेठभर थप्ने तयारी भएको हो ।

काठमाडौं, भक्तपुर र ललितपुरका प्रमुख जिल्ला अधिकारीको मंगलबार बसेको बैठकमा तीनै जिल्लामा निषेधाज्ञा पुनः केही समय थप विषयमा छलफल भएको र बुधबार निर्णय हुने काठमाडौंका प्रमुख जिल्ला अधिकारी कालीप्रसाद पराजुलीले जानकारी दिएका छन् ।

यद्यपि, निषेधाज्ञाबारे सम्पूर्ण निर्णय भने आज (बुधबार) बस्ने सीडीओहरुको संयुक्त बैठकले गर्ने उनको भनाइ छ । उनका अनुसार खाद्यान्न, किराना पसल, ग्रोसरी तथा डिपार्टमेन्टल स्टोर्सलाई बिहान नौ बजेसम्म सञ्चालन गर्न दिइनेछ ।

विकास निर्माणका काम आवासीय रुपमा स्वास्थ्य मापदण्ड अपनाएर गर्न दिइने बताउँदै उनले निर्माणका सामान ढुवानीलाई निश्चित समय तोकेर बेलुकातिरको समय दिइने बताए ।

यसअघि यही १४ गते थपिएको आदेशमा भने यी सबै गतिविधिमा रोक लगाइएको थियो । निषेधाज्ञा अवधिभर अन्य प्रावधान भने यथावत रहने सीडीओ पराजुलीले बताए । जसअनुसार अत्यावश्यकबाहेकका गतिविधिमा रोक लगाइएको छ ।

उपत्यकामा वैशाख १६ गतेदेखि लागू हुने गरी आदेश जारी गरिएको थियो । एक महिना बित्दा पनि कोरोना संक्रमण आशातित रुपमा घट्न सकेको छैन ।

यसमा तपाइको मत

Your email address will not be published. Required fields are marked *


*