कोरोना महामारीमाथि ‘हाबी’ हुँदै बाँके जिल्ला

खबर कुरा
१९ जेष्ठ २०७८, बुधबार

नेपालगन्ज । अघिल्लो सातासम्म बाँके जिल्ला माथि हाबी हुँदै गरेको कोरोना संक्रमणलाई पछिल्लो १ साता भने कोरोना भाइरसलाई परास्त गर्दै बाँकेले सकारात्मक संकेतहरु देखाउन थालेको छ । कोरोना माहामारीको दोस्रो लहर सुरु भएपछिको पहिलो पटक बाँकेमा सबैभन्दा कम संक्रमति थपिएका छन् भने एकै पटक अस्पतालका झण्डै १०० बेड खालि हुन पुगेका छन् ।

जिल्ला व्यवस्थापन समिति बाँकेका अनुसार पछिल्लो २४ घण्टामा बाँकेका २ वटा प्रयोगशालामा ३९ जनामा मात्र संक्रमण पुष्टि भएकोमा बाँके जिल्लाका ७ जनामा मात्र संक्रमण देखिएको छ । आज साँझ ४ बजे सम्ममा बाँकेका बिभिन्न अस्पतालहरुमा ९३ वटा बेड खाली रहेको स्वास्थ्य कार्यालय बाँकेले जनाएको छ ।

स्वास्थ्य कार्यालय बाँकेका अनुसार भेरी अस्पतालमा २८, नेपालगन्ज मेडिकल कलेजमा ४२, वेस्टर्न अस्पतालमा सर्जिकल बेड १३, युनाइटेड अस्पतालमा १० वटा बेड खालि भएको छ । बाँकेको भेरी अस्पतालमा ३७ जना, मेडिकल कलेजमा ७२ जना र वेस्टर्न अस्पतालमा ३ जना गरि अहिले पनि जिल्लामा ११२ जना कोरोना संक्रमतिहरु सिकिस्त अवस्थामा रहेको स्वास्थ्य कार्यालय बाँकेका अधिकृत नरेश श्रेष्ठले जानकारी दिए ।

बाँकेमा पछिल्लो २४ घण्टामा बाँके जिल्ला भित्रका १ जना सहित ४ जनाको मृत्यु भएको छ भने १०९ जना कोरोना मुक्त भएर डिस्चार्ज भएका छन् ।

यसमा तपाइको मत

Your email address will not be published. Required fields are marked *


*