रुपन्देहीको कोरोना संक्रमणको दर ४९ जनामा सिमित, ३०२ जना डिस्चार्ज, ३ जनाको मृत्यु

खबर कुरा
२३ जेष्ठ २०७८, आईतवार

बुटवल । बिगत २ दिनमा ३ अंकमा उकालो लागेको रुपन्देहीको कोरोना संक्रमणको दर आप फेरि २ अंकमा झरेको छ । पछिल्लो २४ घण्टामा रुपन्देहीमा ४९ जना मात्र नयाँ संक्रमित थपिएका छन् ।

स्वास्थ्य कार्यालय रुपन्देहीले दिएको जानकारी अनुसार २६१ नमुना परीक्षण गर्दा ४९ जनामा संक्रमण पुष्टि भएको हो । २४ घण्टाकाबीचमा रुपन्देहीमा ३ जना संक्रमितको उपचारका क्रममा मृत्यु भएको छ भने ३०२ जना संक्रमण मुक्त भएर डिस्चार्ज लिएका छन् ।

रुपन्देहीमा आज सम्ममा कोरोना संक्रमणबाट मृत्यु हुनेको संख्या ४५० पुगेको छ भने जिल्लामा अहिले पनि ११६१ जना सक्रिय संक्रमित रहेका छन् ।

रुपन्देहीमा १ लाख २४ हजार ६८ जनाको पीसीआर परीक्षण गरिएकोमा २७ हजार ८३ जनामा संक्रमण पुष्टि भएको छ ।

यसमा तपाइको मत

Your email address will not be published. Required fields are marked *


*