बुटवल । केहिदिन देखि रुपन्देहीको कारोना ग्राफ उतार चढावमा चल्ने गरेको छ । साउन २ गते निकै कम देखिएको कोरोना संक्रमण साउन ३ र ४ गते गते प्राप्त रिपोर्टमा पुनः बढेको देखिएको छ ।
स्वास्थ्य कार्यालय रुपन्देहीका अनुसार साउन २ गते २१ जना मात्र संक्रमित थपिएको रुपन्देहीमा ३ गते ३७ जना र ४ गते ४२ जना कोरोना संक्रमित थपिएका छन् । पछिल्लो २४ घण्टामा जिलामा १ जनाको मृत्यु भएको छ भने ४७ जना कोरोना मुक्त भएका छन् । रुपन्देहीमा आज सम्ममा ३१८ जना सक्रिय संक्रमित रहेका छन् ।
आज सबैभन्दा बढी तिलोत्तमा नगरपालिकामा २१ जना र बुटवल उपमहानगरमा १६ जनामा कोरोना संक्रमण पुष्टि भएको छ ।
प्रतिक्रिया