नेपालगन्ज । भारतीय बजार रुपैडीयाबाट नेपाल पठाउने गरिएको लागु औषध ब्राउन सुगर बेच्ने अड्डामा भारतीय प्रहरीले छापा हानेको छ । भारतीय अर्धसैनीक बल एसएसबी र भारतीय जनपद प्रहरीको संयुक्त टोलिले बजार क्षेत्रमै रहेको ब्राउन सुगरको बिक्रि अड्डामा छापा मारेर १७५ ग्राम ब्राउन सुगर सहित एकजनालाई पक्राउ गरेको छ ।
पक्राउ पर्नेमा रुपैडिया घरियारन टोलका २१ वर्षीय ताज बाबु रहेका छन् । नेपाल पठाउन तयारी भईरहेको अवस्थामा एसएसवी असिस्टेन्ट कमान्डेन्ट सुमित भारद्धाज र रुपैडिया थाना प्रमुख अभय सिंहको संयुक्त टोलीले बाबुको घरमा छापा मारेको थियो ।
उक्त ब्राउन सुगरको मूल्य करिव १ करोड ७५ लाख भारतीय रुपैयाँ पर्ने भारतीय प्रहरीले जनाएको छ । यसअघि १३४ ग्राम स्मेक सहित घसियारन टोलकै अर्का युवा पनि पक्राउ परेका थिए ।
खुल्ला सिमानाको फाईदा उठाउँदै भारतीय बजारबाट हरेक दिन लागु औषध ब्राउन सुगर भित्रने गरेको छ भने नेपालबाट पनि चरेस भारतीय बजारमा लैजाने गरिएको छ । १२ जना बढी नेपालीहरु अहिले पनि चरेस सहित पक्राउ परेर बहराईच जेलमा बन्दी जीवन बिताईरहेका छन् ।
प्रतिक्रिया