१८५७ कोरोना संक्रमित थपिए, २२२२ संक्रमणमुक्त; २७ जनाको मृत्यु

काठमाडौं । नेपालमा पछिल्लो २४ घण्टामा कोरोना भाइरसका १ हजार ८५७ जना नयाँ संक्रमित थपिएका छन् ।

१३ हजार १७६ जनामा गरिएको परीक्षणमा १८ सय बढीमा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

मन्त्रालयका अनुसार १ हजार ५१६ जना संक्रमितको पुष्टि पीसीआर परीक्षणमार्फत भएको हो ।

यसैअवधिमा २२२२ जना संक्रमित संक्रमणमुक्त भएका छन् भने २७ जनाको मृत्यु भएको छ ।

नेपालमा आज ३६ हजार ८६६ जना सक्रिय संक्रमित रहेको मन्त्रालयले जनाएको छ ।