बुटवल । संगठन विस्तार र कार्यकर्ता प्रशिक्षणमा जुटेका नेकपा एमालेका अध्यक्ष एवं पूर्व प्रधानमन्त्री केपी शर्मा ओली आज बुटवल आउदै छन ।
मंगरबार गृह जिल्ला झापा पुगेका आध्यक्ष ओली रुपन्देहीका एमाले अगुवा कार्यकर्ता भेला सम्बोधन गर्न आज बुटवल आउन लागेका हुन ।
केहिदिन यता देश दौडाहमा निस्केका ओलीले मंगलबार आफ्नो गृहजिल्ला झापामा आयोजित अगुवा कार्यकर्ता भेलालाई सम्वोधन गरेका थिए ।
प्रचार विभाग प्रमुख मोहन चापागाईंका अनुसार बुटवलको देवीनगर मैदानमा हुने भेलामा जिल्लाका १६ वटै स्थानीय तहका १५ हजारभन्दा बढी अगुवा कार्यकर्तालाई ओलीले सम्बोधन गर्नेछन् ।
भेलालाई पार्टी अध्यक्ष ओलीसहित उपमहासचिवद्वय विष्णुप्रसाद पौडेल र घनश्याम भुसाल स्थायी कमिटी सदस्य टोप बहादुर रायमाझी, केन्द्रीय सदस्य महेश बस्नेत लगायतले सम्बोधन गर्ने चापागाइएले बताए ।
भेला सम्पन्न गर्न जिल्लाका सबै कमिटी र संगठनहरु परिचालन गरिएको तथा ब्यवस्थापकीय तयारी सबै पुरा भएको जिल्ला सचिवालय सदस्य ऋषिराम पाण्डेले बताए ।
एमाले लुम्बिनी प्रदेश कमिटी बैठकले पार्टी विभाजनका नाममा अलमलमा परेका नेता कार्यकर्तालाई स्पष्ट पार्न निर्देशन दिए बमोजिम जिल्लामा बृहत् भेला आयोजना गरिएको एमाले रुपन्देही अध्यक्ष शिवराज सुवेदीले बताए ।
प्रतिक्रिया