काठमाडौं । नेकपा एमालेका अध्यक्ष केपी शर्मा ओलीले ५ सिट पनि नजित्ने माओवादी केन्द्रसँग तालमेल गरेर ३६ सिट जिताउँदाको परिणाम आफुले भोगिरहेको बताएका छन् । एमाले निकट विद्यार्थी संगठन अनेरास्ववियुको पूर्ण बैठकलाई शनिबार सम्बोधन गर्दै अध्यक्ष ओलीले माओवादी केन्द्र र एकिकृत समाजवादीमा लागेका नेताहरुलाई एमाले भित्राउन सकिएपनि ती पार्टीसँग कुनै प्रकारको तालमेल नहुने स्पष्ट पारे ।
ओलीले कतिपय एमाले नेताहरुले नै माधव कमरेड पार्टीमा आउनुस् भन्ने गरेको भन्दै आक्रोश समेत पोखे । प्रचण्ड र माधवकुमार नेपाल दुबै कम्युनिस्ट नभएको भन्दै उनले माधव नेपाललाई कमरेड नभन्न कार्यकर्ताहरुलाई निर्देशन दिए । उनले एकिकृत समाजवादी पार्टी नभइर गुट मात्र भएको टिप्पणी गरे, -‘माधव नेपाल गुटसँग केही हुँदैन ।’
कार्यक्रममा ओलीले प्रचण्ड र माधव नेपालको चर्को आलोचना गरेका गर्दै दुबै नेताहरुलाई मधु(कैटवको संज्ञा समेत दिएका थिए ।
प्रचण्ड र माधव नेपालले अलमलमा पारेकाहरुलाई भने पार्टीमा फर्काउनु पर्ने ओलीको भनाई छ । ओलीले भ्रममा परेका शुक्तिलाई आफ्नो पक्षमा ल्याउन क्रियाशिल बन्न युवा विद्यार्थीलाई आह्वान पनि गरे ।
प्रतिक्रिया